PM Kisan And Namo Shetkari : राज्यातील शेतकऱ्यांसाठी एक मोठी आणि दिलासादायक बातमी समोर आली आहे. केंद्र सरकारची ‘पीएम किसान सन्मान निधी’ आणि महाराष्ट्र सरकारची ‘नमो शेतकरी महासन्मान निधी’ या दोन्ही योजनांचे अनेक प्रलंबित हप्ते लवकरच शेतकऱ्यांच्या बँक खात्यात एकत्र जमा होण्याची शक्यता आहे.
विलंबाचे कारण आणि उपाय आहे
तांत्रिक अडचणी, चुकीची माहिती किंवा जमिनीच्या नोंदीतील त्रुटींमुळे अनेक शेतकऱ्यांना या योजनांचे मागील हप्ते मिळाले नव्हते. या समस्येवर तोडगा काढण्यासाठी केंद्रीय कृषी मंत्रालयाने एक विशेष मोहीम सुरू केली आहे. प्रत्येक राज्यात पात्र शेतकऱ्यांची पडताळणी करण्यासाठी नोडल अधिकाऱ्यांची नियुक्ती करण्यात आली आहे. या पडताळणीमुळे खऱ्या आणि गरजू शेतकऱ्यांपर्यंत योजनेचा लाभ पोहोचण्यास मदत होणार आहे.
एकत्रित पैसे मिळण्याची शक्यता
या विशेष मोहिमेमुळे ज्या शेतकऱ्यांचे मागील हप्ते अडकले होते, त्यांना आता मोठा फायदा होणार आहे. पीएम किसान योजनेचे १२व्या हप्त्यापासून ते १८व्या हप्त्यापर्यंतचे सर्व प्रलंबित हप्ते १९व्या हप्त्यासोबत दिले जाणार आहेत.
ज्या शेतकऱ्यांना पीएम किसान योजनेचा लाभ मिळाला नाही, त्यांना नमो शेतकरी योजनेचाही हप्ता मिळाला नव्हता. त्यामुळे, आता दोन्ही योजनांचे थकीत पैसे एकत्रितपणे जमा होण्याची शक्यता आहे. या प्रक्रियेसाठी कोणतीही निश्चित वेळमर्यादा देण्यात आलेली नसली तरी, काम वेगाने सुरू आहे. या निर्णयामुळे अनेक शेतकऱ्यांना एकाच वेळी मोठा आर्थिक आधार मिळेल अशी आशा आहे.
