Manoj Jarange Patil andolan News: मनोज जरांगे पाटील यांच्या नेतृत्वाखालील आंदोलनाला मुंबई पोलिसांनी सशर्त परवानगी दिली आहे. हे आंदोलन २९ ऑगस्ट रोजी केवळ एकाच दिवसासाठी, सकाळी ९ ते संध्याकाळी ६ वाजेपर्यंत, आझाद मैदानावर करता येईल.
आंदोलनासाठीच्या प्रमुख अटी:
- कालावधी: आंदोलनाची वेळ सकाळी ९ ते संध्याकाळी ६ वाजेपर्यंत मर्यादित असेल. त्यानंतर आंदोलकांना मैदानात थांबता येणार नाही.
- सहभाग मर्यादा: आझाद मैदानाची क्षमता ७,००० स्क्वेअर मीटर असून, केवळ ५,००० आंदोलकांनाच परवानगी देण्यात आली आहे.
- वाहनांची मर्यादा: जरांगे पाटील यांच्यासोबत असलेल्या केवळ पाच वाहनांना आझाद मैदानापर्यंत येण्याची परवानगी आहे. इतर वाहनांना फ्री-वे ने वडीबंदर जंक्शनपर्यंत येण्याची मुभा आहे.
- ध्वनी आणि स्वच्छता: पूर्व परवानगीशिवाय ध्वनिक्षेपकांचा वापर करता येणार नाही. तसेच, मैदानाची स्वच्छता राखण्याची जबाबदारी आंदोलनकर्त्यांची असेल.
- अन्न शिजवण्यास मनाई: मैदानात अन्न शिजवण्यास पोलिसांनी मनाई केली आहे.
- सहभाग टाळा: आंदोलनात लहान मुले, गर्भवती महिला आणि वृद्धांना सहभागी न होण्याच्या सूचना देण्यात आल्या आहेत.
या अटींचे उल्लंघन केल्यास आंदोलन बेकायदेशीर ठरवून कायदेशीर कारवाई केली जाईल, असा इशाराही मुंबई पोलिसांनी दिला आहे. या पार्श्वभूमीवर, सायंकाळी ६ नंतर आझाद मैदानातील गर्दीचे नियोजन कसे होणार, हा प्रश्न महत्त्वाचा ठरला आहे.
