Maruti Suzuki SUV भारतीय बाजारपेठेत आपली पकड अधिक मजबूत करण्यासाठी मारुती सुझुकी (Maruti Suzuki) नेहमीच नवीन मॉडेल्स सादर करत असते. आता कंपनीने लवकरच एक नवी एसयूव्ही लाँच करण्याची घोषणा केली आहे. ही नवीन एसयूव्ही ३ सप्टेंबर २०२५ रोजी लाँच होईल आणि ती एरिना डीलरशिप नेटवर्कद्वारे विकली जाईल. ही कार ब्रेझाच्या वरच्या आणि ग्रँड विटाराच्या खालच्या सेगमेंटमध्ये येईल.
कोणत्या गाड्यांशी होणार स्पर्धा? ही नवी एसयूव्ही थेट बाजारातील लोकप्रिय मिड-साईज एसयूव्ही जसे की ह्युंदाई क्रेटा (Hyundai Creta), किआ सेल्टोस (Kia Seltos), होंडा एलिव्हेट (Honda Elevate), स्कोडा कुशाक (Skoda Kushaq), फोक्सवॅगन तैगुन (Volkswagen Taigun) आणि टोयोटा हायराइडर (Toyota Hyryder) यांना थेट टक्कर देईल. विशेष म्हणजे या सर्वांपेक्षा तिची किंमत कमी असण्याची शक्यता आहे.
इंजिन आणि फीचर्स कंपनीने अजून तरी या कारचे अधिकृत तांत्रिक तपशील जाहीर केलेले नाहीत. परंतु, यामध्ये १.५-लीटर नॅच्युरली-एस्पिरेटेड पेट्रोल इंजिन दिले जाण्याची शक्यता आहे. यासोबतच, ग्राहकांना उत्तम मायलेज आणि कमी रनिंग कॉस्टचा अनुभव देण्यासाठी हायब्रिड (Hybrid) आणि सीएनजी (CNG) व्हर्जनही उपलब्ध होऊ शकतात.
पोझिशनिंग आणि वैशिष्ट्ये नवीन एसयूव्ही ही एरिना (Arena) ची फ्लॅगशिप कार असेल. ती ब्रेझापेक्षा (Brezza) मोठी आणि अधिक प्रीमियम असेल, तर किंमत आणि फीचर्सच्या बाबतीत ग्रँड विटाराच्या (Grand Vitara) खाली असेल. कंपनीची योजना आहे की या नव्या एसयूव्हीसह मिड-साईज सेगमेंटमधील आपला वाटा वाढवून मार्केट लीडरशिप आणखी मजबूत करावी.
ही नवी कार भारतीय ग्राहकांना आकर्षित करेल आणि बाजारात एक नवीन पर्याय उपलब्ध करेल अशी आशा आहे.
